भारतीय मजदूर संघ, मजदूर अर उद्योगुक बीचा वा कड़ी च, ज्वां द्वियौंक विकास वास्ता काम करदः मुख्यमंत्री धामी

मुख्यमंत्री धामिन आज इत्वार खुणि जगद्गुरु आश्रम पौंछिकि शंकराचार्य राजराजेश्वराश्रम से आशीर्वाद ल्यायी। यांका बाद उन्न भारतीय मजदूर संघ कु सत्तर वौं स्थापना दिवस कु मौका पर उर्यूं समापन समारोह मा भाग ल्यायी। मुख्यमंत्री न बोलि भारतीय मजदूर संघ, मजदूर अर उद्योगुक बीचा वा कड़ी च, ज्वां द्वियौंक विकास वास्ता काम करद। उन्न बोलि हमरि कोसिस च कि हमरा श्रमिकों तैं सबि अच्छी सुविधा मिलणि रयां। उन्न बोलि सबि लोग मिलिकि उत्तराखण्ड तैं एक समृद्ध अर देस कु अग्वानया प्रदेस बणौंणा म हमरा श्रमिक भै-बन्धु बि अपणु योगदान दिंणा छन अर यांका वास्ता भारतीय मजदूर संघ बि खळाखळ काम करणु च।

उत्तराखण्ड चारधाम जातार पर मुख्यमंत्री न बोलि कि उत्तराखण्ड म चारधाम जातरा नै रिकॉर्ड बणौंणि च अर जातरी चारधाम हि ना बल उत्तराखण्डा हौरि मंदिरु अर जगों पर जाणा छन।
मुख्यमंत्री न बोल कि कावंड़ जातरा सुरु हूंणि च। यां खुणि प्रदेस सरकार पूरि तरां त्यार च अर झट कावंड म्यळा बारम समीक्षा बैठक करे जाली।

मुख्यमंत्रिन बोलि सरकार चौमास तैं लेकैकि त्यार च। उन्न बोलि उत्तराखण्डम बस्गालम आपदा औंणि रैंदन, जैथैं रव्के त नीं जै सकदू पर, आपदा तोकम जल्दी से जल्दी राहत कु काम सुरु करे ज्यां इन्नु बन्दुबस्त करे जै सकदू।