विपदकि यीं घडिम़ सरकार आपदा पीड़ितौं दगड़ि खड़ी च : मुख्यमंत्री धामी
मुख्यमंत्री धामिन आज चमोली क आपदा प्रभावित तोक थराली कु दौरा कायी अर प्रभावित लोगु कु बारम जाणकारी ल्यायी। ऐ मौका पर मुख्यमंत्रिन प्रभावितों तैं मदद करणा कु भरोसु द्यायी।
मुख्यमंत्रिन बोलि कि यीं विपदकि यीं घडिम़ सर्या सरकार आपदा से पीड़ित कुटुम्दरि दगड़ि खड़ी च। मुख्यमंत्रिन विभागीय अधिकारियों तैं चौबीस घंटा त्यार च अर बचौवा का काम करणि निर्देश दींन।
मुख्यमंत्रिन कुलसारी म बण्यूं राहत शिविर तैं बि देखि अर वख लोगु तैं मिलण वलि सुविधौं तैं बि देखि।
उन्न अप्सरु तैं बोल कि लोगु तैं क्वीं बि अर कन्नि बि दिक्कत नीं हूंण चैंद। मुख्यमंत्रिन आपदा जौका कुड़ा टूटिग्येन अर जु आपदा म मोरि ग्यीन वुतैं 5-5 लाख रुप्यौ की मदत झट देंणा कु अर जौ लोगु क कुड़ा टूटिग्यीन वु तैं दूसर जगा बसौंणा बन्दुबस्त करण बोलि।
जिलाधिकारी संदीप तिवारी न मुख्यमंत्री तैं बतै कि राहत शिविरु मा लोगु तैं खाणु कु पूरु बन्दुबस्त च। उन्न बतै कि राजकीय पॉलिटेक्निक कुलसारी मा 12, प्राथमिक विद्यालय चेपड़ो मा 36 अर थराली अपर बजारा प्राथमिक विद्यालय में 20 लोगु रुक्यां छन।
ऐ मौका फर थराली विधायक भूपाल राम टम्टा, जिला पंचायत अध्यक्ष दौलत सिंह बिष्ट, पुलिस अधीक्षक सर्वेश पंवार, परियोजना निदेशक आनंद सिंह, मुख्य चिकित्सा अधिकारी अभिषेक गुप्ता, एसडीएम सोहन सिंह रांगड, एसडीएम पंकज भट्ट, सीओ अमित कुमार सैनी बि छायी।