प्रदेसम नकल जिहाद सुरु करे जाणु च : सीएम धामी

यूकेएसएसएससी पेपर लीक मामला मा प्रदेसा सर्या बेरुगार देरादूणम धरना म बैठ्या छन।

पेपर लीक मामला मा आज मुख्यंत्रीन धामी कु बयान बोलि कि प्रदेसम ज्वानु तैं भड़कौंणा वास्ता नकल जिहाद सुरु करे जाणु च। उन बोलि बि नकल माफियाओं अर जिहादियों तैं चितौंणु छौ कि जब तक नकल माफियौं तैं माटम नीं मिले द्यूलु तब तक मि चुप नीं रौलु। मुख्यमंत्रिन बोलि कि हमन प्रदेसम नकल रवक्णा वास्ता कटकुटु नकल विरोधी कानून बणै। जैका बाद प्रदेस 25000 पदु पर भर्ति ह्वे , ज्वा कुछ लोगु तैं पसंद नीं औंणि च।

मुख्यमंत्रिन बोलि कि हम भ्रष्टाचार पर चोट करणा छन। आईएएस अर पीसीएस अप्सरु फर बि कारवै करे जाणि च। मुख्यमंत्रिन धामिन बोलि कि देवभूमि म क्वीं बि जिहादी रंगिलु चदरु डालिकि हमरि जमीन तैं नीं लुछि सकदु। हमरि सरकारन मदसरा बोर्ड तैंं खतम कारणा कु फैसला ल्यायी। जैकु असर अगिल साल तक दिख्येलु।