सुरकंडा देवी मंदिर मा रोपवे सेवा अचाणचक ह्वैग्यें बन्द

सिद्धपीठ मां सुरकण्डा मा आज रोपवे चलदा-चलदा बन्द ह्वैग्यें। वै बगत ट्रॉलि मा बल 70 मनखि छायीं।

आज टिहरी के विधायक किशोर उपाध्याय अपड़िा कार्यकत्ताओं के दगड़ मा सुरकण्डा क दर्शन करणा खंूण ज्यां छायीं । दर्शन कैकि ब्यखूनी दा उन्ध (नीचे) आन्द दा अचाणचक सब्यां ट्रॉलि बन्द ह्वैग्यीं। जै सै ट्रॉलि मा बैट्ठयां जातरियों मा डैर अर धकद्याट ह्वैग्यें।

जैका बाद किशोर उपाध्याय न प्रशासन थैं ऐ बारा मा खबर कै। जै क बाद टैक्निकल टीम थैं भेज्यें ग्यायी। 25 मिनट ट्रॉलि मा सब्यौं के सांस अटकि रायीं। जैका बाद टैक्निकल टीमन रोपवे सेवा थैं दूबरा सुरू कैकि विधायक अर सब्यां जातरियों थैं राजीखुशी भुंय्यां मा उतारि।