हेमवती नंदन बहुगुणा गढ़वाल विश्वविद्यालय, हेमवती नंदन बहुगुणा क विकासवादी सोच कु नतीजा च: मुख्यमंत्री धामी
देरादूण। मुख्यमंत्री धामी न आज हेमवती नंदन बहुगुणा गढ़वाल विश्वविद्यालय श्रीनगर कु स्थापना दिवस अर स्वर्ण जयंती पर उर्यूं कार्यक्रम मा वर्चुअल भाग ल्यायी।
मुख्यमंत्री न विश्वविद्यालय क स्वर्ण जयंती पर सब्यौं तैं शुभकामना द्यायी।
मुख्यमंत्री धामी न हिमालय पुत्र हेमवती नंदन बहुगुणा तैं याद कायी अर बोलि कि यु विश्वविद्यालय ऊंकी विकासवादी सोच कु हि नजीजा च। विश्वविद्यालय पिछल पचास सालु बटि बहुगुणा जी क विकास सुपिनौं तैं पूरू करणु च।
मुख्यमंत्री न बोलि कि यु विश्वविद्यालय शिक्षा अर शोध क तोक मा नै-नै काम करणु च। उन्न बोलि कि विश्वविद्यालय न जु हासिल कायी वु विश्वविद्यालय क कुशल नेतृत्व अर विश्वविद्यालय क शैक्षणिक, गैर शैक्षणिक कर्मचारियौं क तप कु नतीजा च। मुख्यमंत्री न बोलि कि हेमवती नंदन बहुगुणा गढ़वाल विश्वविद्यालय न अपणि खास कोसिस न जनसामान्य खूंणि ऐ तोक क धरोहर तैं संग्रहित, संरक्षित अर प्रदर्शित करणा क मकसद से एक पुरातात्त्वििक संग्रहालय क स्थापना कायी जु बौत अच्छु काम च।
मुख्यमंत्री न बोलि कि आज प्रधानमंत्री क नेतृत्व म सर्या दुन्या हमरि तागत अर ज्ञान तैं समझणु च अर वै फर चलणा कोसिस करणु च। प्रधानमंत्री क एक भारत श्रेष्ठ भारत क सुपिन तैं साकार करणा खूंणि उत्तराखण्ड मा डबल इंजन क सरकार खळाखळ काम करणि च।
ऐ मौका फर वर्चुअल विधायक विनोद कण्डारी, कुलपति हेमवती नंदन बहुगुणा गढ़वाल विश्वविद्यालय, प्रो. अन्नपूर्णा नौटियाल, निदेशक जी.बी.पन्त राष्ट्रीय हिमालय पर्यावरण संस्थान प्रो. सुनील नौटियाल, कुलपति नार्थ ईस्ट सेंट्रल वि.वि. डॉ. प्रभा शंकर शुक्ला जुड्या छायीं।