बीच सड़कि मा बैट्ठि ग्यीं हरीश रावत, बोलि आखिर कैथैं त शरम आण चैंद

हरीश रावत जख बि जन्दिन सरकार थैं घेरण कु क्वीं बि मौका नी छ्वड़दन। हरीश रावत कु एक वीडिया सोशल मीडिया मा खूब वायरल हूंण च।

हरीश रावत आज रामनगर अल्मोड़ा थैं ज्वड़न वळि सड़क मा बण्यां खडवळों थैं देखिक बीच सड़कि मा सरकार क आंखा ख्वलण खूंणि धरना मा बैठिग्यीं।

हरीश रावत ब्वना छन बल आज तिसर बार सड़कि मा बैट्ठि क वीडियो बण्यें कि बतौंणु छौं। मिथैं बौत पिड़ा हूंणि च अर ब्वलण प्वाड़णु च, मि एक कार्यक्रम मा छायीं अर मिथैं बत्यें ग्यायीं कि हमन या सड़क ठीक कै याली पर जब मि घौर बटि सड़कि मा ग्यूं , त सड़कि मा जगा-जगा खडवळा हि खडवळा छायीं, जै थैं देखिक मिथैं इन्न लगि कै कि कथैं त शरम आण चैंद, हमर उत्तराखण्ड मा सबि सड़कियौं क हालत इन्न च। उन्न लेखि कि मि बौत बौत बधै देंणु चाणु छौं अल्मोड़ा क विधायक मनोज तिवारी थैं।