अंकिता कतल मामला मा हरीश रावतन बोलि सरकार मा थ्वड़ा बौत बि शरम बची च त, ऐ केस तैं बड़ा क्रिमिनल वकील तैं दियां

देरादूण। उत्तराखण्ड कु अंकिता कतल क मामला मा प्रदेसा पैल्यक मुख्यमंत्री हरीश रावत न सरकार क काम करणा तरिकौं फर सवाल खड़ा करिन। हरीश रावतन बोलि कि सरकार मा थ्वड़ा बि शरम बची त च सरकार तैं अंकिता क केस तैं सीनियर क्रिमिनल वकील तैं दे दिंण चैंद।

बतै दियां कि अबि कुछ दिन पैलि अंकिता क ब्वे बुबा न पौड़ी जिलाधिकारी आशीष चौहान क दगड़ मा भेंट कै छायी अर या मांग कै छायी कि अंकिता कु केस कै औरिवकील तैं दियें ज्यां। उन्न बोलि बल जु सरकारि वकील अंकिता कु केस लड़णु च वै से ऊं खुस नी छन।

अंकिता भण्डारी क ब्वे-बुबा क यीं मांग फर हरीश रावत न सोशल मीडिया मा पोस्ट लेखिक तंज कायी अर बोलि कि अंकिता केस मा सरकारि वकील पर अंकिता क ब्वे बुबा कु भरोसु नीं च, उन्न बोलि कि अंकिता क कतल करण वळों तैं बचौंणा की बड़ा स्तर पर कोसिस हूंणि च। वीआईपी कु नौं पुलिसन अबि तक नीं बतै।

उत्तराखण्ड क रैवासियौं न यु मानि याली कि ऐ कतला केस मा आरोपी बच्यें जाला। उन्न बोलि कि सरकार तैं थ्वड़ा बौत बि शरम बची त च सरकार तैं अंकिता क ब्वे-बुबा अर ऐ केस तैं बड़ा क्रिमिनल वकील तैं दे दिंण चैंद।