विधानसभा मा ह्वै भर्ति घपरोल फर हरक सिंह रावतन बोलि उत्तराखण्ड क निखणि (दुर्भाग्य) च बल प्रेमचन्द्र अग्रवाल अबि भि मंत्री छन
देरादूण। हरक सिंह रावतन विधानसभा मा पिछनै क द्वार बटि ह्वीं भर्ति मा ह्वै घपरोल क मामला मा अपड़ि बात बोलि। विधानसभा मा ह्वै भर्ति मामला मा उन्न प्रेमचन्द्र अग्रवाल थैं घेरि अर ऊंक इस्तीफा क मांग कायी।
हरक सिंह रावतन बोलि कि प्रेमचन्द्र अग्रवाल थैं अपड़ा जिकुड़ि क बात सुन्ण चैंद अर अपड़ा पद बटि इस्तीफा देंण चैंद। उन्न बोलि कि यु उत्तराखण्ड क निखणि च बल प्रेमचन्द्र अग्रवाल अबि भि मंत्री छन।
हरक सिंह रावतन बोलि कि भाजपा हाईकमान थैं अबि तक प्रेमचन्द्र अग्रवाल थैं कैबिनेट मंत्री क पद बटि हट्यें देंण चैंद छायीं। उन्न बोल कि प्रेमचन्द्र अग्रवाल विधानसभा मा ह्वै भर्ति घपरोल क जिम्मेबार छन। उन्न बोलि यांक दगड़ मा सहकारिता विभाग, ओपन यूनिवर्सिटी मा भि जिम्मेबार पर करवै हूंण चैंद।