हरक सिंह रावतन दुबरा थामी याळि कांग्रेस क ‘हाथ’

देरादूण। भाजपा बटि 6 साळ खूंणि भैर निक्ळयां हरक सिंह रावतन आज दूबरा कांग्रेस पार्टी को हाथ थैं थामी याळि। आज सुक्वार खूंणि कांग्रेस क वार रूप मा उन्न कांग्रेस पार्टी क सदस्यता ल्यायी।

ऐ मौका फर कांग्रेस प्रदेश अध्यक्ष अर प्रदेस प्रभारी भी छायीं। हरक सिंह रावत क दगड़ा मा ऊंकी नौंना क ब्वारी न भि कांग्रेस पार्टी क सदस्यता ल्यायी।

कांग्रेस मा दूबरा आण क बाद हरक सिंह रावत न ब्वाळ कि 20 साळ तक कांग्रेस खूंणि संघर्ष कायी। उन्न ब्वाळ कि अब हम कांग्रेस पार्टी थैं दुबरा मजबूत करणा कु काम करळा। उन्न ब्वाळ क कांग्रेस मा आणा खूंणि उन्न पार्टी हाईकमान क समणि कुईं शर्त नि धैरीं। उन्न ब्वाळ कि अब ऊंकी एक हि शर्त च अर वा च भाजपा थैं हरणौं क।

हरक न ब्वाळ कि 2016 मा जब मिळ बगावत कायी च तब भि मिन्न सोनिया गांधी क बढ़ैं कायीं। उन्न ब्वाळ कि मिळ कुईं माफीनाम नि द्यायी। मि कांग्रेस मा गिळहरी क तरौं काम करळु।

हरक सिंह रावतन भाजपा पर कईं आरोप लग्यें। उन्न ब्वाळ टिकट मंगणा क आरोप झुट्ठा छन।

हरक सिंह थैं कांग्रेस पार्टी मा शामिळ करण से पैळि हरक थैं लेकैकि कांग्रेस न अपणि त्यारि पूरि कैरि याळी। खबर च कि हरक क ब्वारी थैं हि टिकट दियें जाळु। सूत्र बताणा छन कि हरक क ब्वारि थैं ळैंसडाउन बटि टिकट दियें जाळु अर हरक थैं पार्टी क प्रचार क जिमदारि दियें जाळि।