विधि विधान से बंद ह्वैग्यीन हेमकुण्ड साहिबा पाट

चमोली। सिखौं कु आस्था कु तीर्थ श्री हेमकुण्ड साहिबा पाट आज विधि विधान से बन्द ह्वैग्यीन। आज सुबेर 10 बजि सुखमणि साहिब पाठ क दगड़ श्री हेमकुण्ड साहिबा पाट बन्द करण प्रक्रिया सुरू ह्वै। जैका बाद गुरु वाणी, शबद कीर्तन, अंतिम अरदास अर हुक्मनामा पढ़णा बाद आखिर मा पंच प्यारै अर सेना क इंजीनियर कोड बैंड क दगड़ श्री गुरु ग्रन्थ साहिब तैं सर्च खंड मा सुशोभित कर्ये ग्यायी। जैका बाद 1 बजि श्री हेमकुण्ड साहिब क पाट बन्द कर्यें ग्यींन। ऐ मौका फर 2500 से जादा श्रद्धालु साक्षी छायीं।

बतै दियां बल 20 मई खूंणि हेमकुण्ड साहिब पाट खुला छायीं। ऐसु सा हेमकुण्ड साहिबा जातरा मा 1 लाख 80 हजार से जादा श्रद्धालुऔं न श्री हेमकुण्ड साहिब क दर्शन करनि।