गुरुद्वारा श्री हेमकुण्ड साहिब मैनेजमेंट ट्रस्ट क अध्यक्ष नरेन्द्र जीत सिंह बिंद्रा न मुख्यमंत्री दगड़ कायी भेंट

देरादूण। गुरुद्वारा श्री हेमकुण्ड साहिब मैनेजमेंट ट्रस्ट क अध्यक्ष नरेन्द्र जीत सिंह बिंद्रा न आज सचिवालय मा मुख्यमंत्री धामीन क दगड़ मा भेंट कायी अर ऊ सै ऐसु क साळ सुरु हूंणि श्री हेमकुण्ड साहिब जातरा मा जाण वळु पैळु जत्था तैं फट्यौंणा क विनति कायी।

श्री हेमकुण्ड जातरा कु पैळु जत्था 17 मई खूंणि ऋषिकेश बटि जाळु। उन्न बोलि कि श्री हेमकुण्ड साहिब क पाट 20 मई खूंणि खळणा छन। मुख्यमंत्री हेमकुण्ड साहिब जातरा सुखी संति हूयां या कामना कायी अर जातरा क शुभकामना दें। मुख्यमंत्री न बोलि कि हेमकुण्ड जातरा क् बाटौं मा सबि जरूरी बन्दबस्त कर्यें ग्यींन।

अध्यक्ष गुरुद्वारा श्री हेमकुण्ड साहिब नरेन्द्र सिंहन हेमकुण्ड मा जातरियौं क सुविधा खूंणि प्रदेसा सरकार क कर्या बन्दुबस्त खूंणि मुख्यमंत्री कु आभार बोलि।