खाली प्वड़यां पदु तैं भ्वरणु सरकारै प्राथमिकता म सामिल च : धामी

देरादूण। मुख्यमंत्री धामीन बोलि कि सरकार नौकरिम खाली प्वड़यां पदु तैं भ्वरणु सरकारै प्राथमिकता म सामिल च। प्रदेस म खाली प्वड़यां पदु पर भर्ति क कारवै चलणि च। यां बात मुख्यमंत्री धामीन सचिवालयम पत्रकारु से बात करदा बोलि। मुख्यमंत्री न बोलि की मिन मुख्यमंत्रीक कुर्सी सम्भालणा बाद, पैलि दिन बिटि ही खाली प्वड़यां सबि पदु तैं भ्वरणा की सौं ले छायी।

मुख्यमंत्री न बोलि कि सकत नकल रोधी कानून लागू करणा बाद 17 हजार से जादा भर्ति करे ग्यायी अर जु पद खाली प्वड़यां छन वु फर भर्ति चलणि च।

उत्तराखण्ड लोक एवं निजी संपत्ति क्षति वसूली कानून क बारम मुख्यमंत्री न बोलि कि यु कानून उत्तराखण्ड प्रदेस खुणि बौत जादा जरूरी च। यख वनभूलपूरा जन्नि घटना नीं हूंण चैंद। यां खुणि कानून ऐग्ये अब जु बि दंगा करालु, सरकरि जैदाद तैं नुकसान करालु, त सरकारि जैदाद नुकसान भरपैई दंगा करण वला से करे जाली।