सरकार मीटिंग, सीटिंग अर इटिंग मा व्यस्त : शिव प्रसाद सेमवाळ

देरादूण। पुलिसकर्मियों क ग्रेड पे 4600 रूप्या करै जाणा मांग थैं लेकैकि यूकेडी आज देरादूण घण्टाघर मा स्व. इन्द्रमणि बडोनी मूर्ति मुड़ि बैठ्कि दिखौण (प्रदर्शन) कायी।

यूकेडी न पुलिसकर्मियों थैं ग्रेड पे 4600 रूप्या नि दियें जाणा से सरकार पर सिरड़ (गुस्सा) निकाळीं।

यूकेडी क केन्द्रीय मीडिया प्रभारी शिव प्रसाद सेमवाळ न ब्वाळ कि सरकार केवळ मीटिंग, सीटिंग अर इटिंग मा व्यस्थ च। उन्न ब्वाळ कि पुळिस कर्मियों क ग्रेड पे थैं लेकैकि केवळ अर केवळ मीटिंग हूंणि च। अर 6 मैना बाद भि अज्जै तक कुईं फैसळा नि ह्वै साकी।

यूकेडी का केन्द्रीय युवा अध्यक्ष न ब्वाळ कि एक हफ्ता मा पुलिस कर्मियों क ग्रेड पे थैं लेकैकि कुईं फैसळा नि हूंद त यूकेडी थैं सड़क्यिों पर ऐकैकि आन्दोळन करण प्वड़ळु।

लोकायुक्त आंदोळन क संयोजक सुमन बडोनी न ब्वाळ कि उत्तरप्रदेश मा पुलिसकर्मियों थैं 4600 ग्रेड पे दियें जाणु च । वखि उत्तराखण्ड बणणा क बाद भर्ती हूंया पुलिळवळा क ग्रेड पे कम कैरिक 2800 रूपया करै जाणु च।