31 कुंतल फुळुन सजै ग्यायी गंगोत्री अर यमुनोत्री धाम

देरादूण। अक्षय तृतीय क त्योवार पर गंगोत्री अर यमुनोत्री धामा पाट खुलण तय्यरि पूरि ह्वेग्ये। गंगा अर यमुना क मंदिरु तैं भव्य रुपम सजैग्ये। गंगोत्री मंदिर 21 कुन्तल अर यमुनोत्री मंदिर तैं 10 कुंतल फुळु न सजै ग्यायी।
गंगोत्री मंदिरा समिति क सचिव सुरेश सेमवाल न बतै कि मंदिर सजौंणा खूणि फुळु गंगोत्री धाम पौंछि ग्यींन अर आज मंदिर तैं सजौंणा कु काम सुरू ह्वेग्ये।

शुक्वार 10 मई अक्षय तृतीय क त्योवार पर गंगोत्री धाम मा विशेष पूजा करै जाली। जैका बाद मंदिरा पाट भक्तु खूणि ख्वलें जाला।

वखि यमुनोत्री मंदिर समिति न मंदिरा कपाट ख्वलणा क पूरि त्यरि कै याली। यमुनोत्री मंदिर समिति क पैल्यक उपाध्यक्ष पवन उनियाल न बतै कि अक्षय तृतीय क त्योवार पर सुबेर यमुना क मैत बटि शनिदेव क दगड़ि मां यमुना क डोलि खरसाली बिटि रवाना होलि।