गंगोत्री अर यमुनोत्री धाम क खुलिन द्वार

अक्षर तृतीया क दिन पर आज गंगोत्री अर यमनोत्री धाम क द्वार लोगुक दर्शन खूंणि खोलें ग्यींन। गंगोत्री अर यमनोत्री के द्वार खुलिण का दगड़ि हि चार धाम जात्रा शुरू ह्वै ग्यायी।

गंगोत्री धाम मा पैळि पूजा प्रधानमंत्री नरेन्द्र मोदी के नौ पर ह्वै। ऐ मौका पर प्रदेस के मुख्यमंत्री पुष्कर सिंह धामी भी छायी। धामीन गंगोत्री धामी मा पूजा कायी अर प्रदेस क रैवासी राजी खुसि रयां या प्रार्थना कायी।

मुख्यमंत्री न बोलि क आज बटि चारधाम जात्रा शुरू ह्वै ग्यायी, अर मि सबि प्रदेस मा आण वला जात्रियों कु देवभूमि का स्वागत करदू। या जात्रा ऐतिहासिक हूंया अर सब्यों क जात्रा आसान अर भलि तरौं हूंया। मि सब्यों क जात्रा के मंगल कामना करदू।

मुख्यमंत्री न फोन पर हि यमुनोत्री धाम क पुजारियों क दगड़ मा बात कायी अर सब्बियों जात्रियों थैं ऐ मौका पर शुभकामना द्यायी।

गंगोत्री धाम के कपाट आज 11.15 बजि खोलें ग्यीं। त यमनोत्री द्वार 12.15 बजि खोलें ग्यींन।

मुख्यमंत्री न तीन दिन पैलि शासन बटि जात्रियों के संख्या थैं लेकैकि जू संख्या बतै छायी वे बारा मा मुख्यमंत्री बोलि कि जात्रा मा कुईं संख्या तय नि च। अगर जात्रि जादा आन्दि त ऐ पर बात मा फैसला लियें जालु।

या से पैळि सुबेर 6.60 बजे डोलि गंगोत्री धाम खूंणि चलि अर सुबेर ठीक 11 बजिक 15 मिनट मा गंगोत्री के कपाट खुल्यें ग्यींन। मां यमुना क डोलि सुबेर खरसाली बटि चलि अर दिन मा 12 बजिक 15 मिनट पर यमुनोत्री धाम मा पौंचि।

यांका बाद केदानाधाम का कपाट 6 मई अर बदरीनाथ क कपाट 8 मई खूंणि खोलें जाला।