गैरसैंण विकास परिषद क बैठक मा गैरसैंणा विकास खूंणि ह्वैं चिंतन

देरादूण। देरादूण मा आज विधानसभा अध्यक्ष ऋतु खण्डूडी न विधानसभा मा गैरसैंण विकास परिषद क बैठक ल्यायी। बैठक मा विधानसभा अध्यक्षा न विकास परिषद क अधिकारियों तैं सुझाव दी। विकास परिषद क बैठक मा गैरसैंण क विकास खूंणि चिंतन ह्वैं।

बैठक मा गैरसैंण विकास परिषदा 9 रुकि योजनौं कु अनुमोदन ह्वै। बैठक मा पास ह्वीं योजनाऔं खूंणि पैसौं क दुसर किस्त दियें जाणा क बाद योजना क समीक्षा कर्यें ग्यें।

बैठक मा साळ 2022-2023 मा प्रस्तावित योजना विधायक कर्णप्रयाग, विधायक द्वाराहाट, प्रमुख क्षेत्र पंचायत, नगर पंचायत गैरसैंण अर सिंचाई विभाग क प्रस्तावित कामु पर अनुमोदन दियेंग्ये। विधानसभा अध्यक्ष न बोलि कि कोरोना काल क बाद गैरसैंण विकास परिषदा या पैलि बैठक च। उन्न बोलि कि रूड़ियों राजधानी गैरसैंण क विकास खूंणि या बैठक बुल्यें ग्यें छायीं। जैमा गैरसैंण क विकास क बारा मा छ्वीं। उन्न बोलि कि गैरसैंण क बुनियादी ढांचैं तैं ठीक करणा क दरकार च यांका दगड़ मा विकास परिषद तैं गैरसैंण क विकास खूंणि उन्न कार्ययोजना त्यार करणा खूंणि निर्देश दीं।

विधानसभा अध्यक्षा न गैरसैंण क विकास खूंणि स्वयं सहायता समूह अर ज्वानु तैं ज्वड़णा कु बात बोलि। विधानसभा अध्यक्षा न बोलि कि गैरसैंण तोक कु विकास खूंणि मातृशक्ति अर ज्वानु क ताकत तैं एक दगड़ मा जोड़िक काम करण प्वाड़ळु। उन्न अधिकारियों तैं गैरसैंण कु इंटीग्रेटेड डेवलपमेंट प्लान बणौंणा कु निर्देश बि दीं।