जी-20 क उर्यांण से भारत कु मान दुन्या मा बढ़िग्यें: महाराज

देरादूण। जी 20 क उर्यांण से सर्या दुन्या मा भारत कु मान हौरि बढ़िग्यें। प्रधानमंत्री मोदी क नेतृत्व मा सर्या दुन्या क राष्ट्राध्यक्षौं न एक दगड़ यीं बात तैं मानी। जी-20 क कै आयोजन उत्तराखण्ड मा बि ह्वै।

जब वु यख ऐ त हमरि संस्कृति, कला अर गाजा-बाजौं क गदड़ म हमरि शिल्प कला देखिकि बड़़ा खुस ह्वीं या बात उत्तराखण्ड लोक निर्माण, पर्यटन, सिंचाई, पंचायतीराज ग्रामीण निर्माण, जलागम, धर्मस्व एवं संस्कृति मंत्री सतपाल न मध्यप्रदेश जिला रीवा म विधानसभा सिरमौर प्रत्याशी दिव्यराज सिंह क चुनौ प्रचार मा बोलि।

यां से पैलि महाराजन रीवा म महामृत्युजं मंदिर मा भगवान शिवजी क पूजा कायी। डभौर मा जनसभा मा महाराजन बेलि कि रीवा रियासत बटि म्यारु पूरणु रिसता च। अर हम मध्यप्रदेसा बात करदौ त यख बटि बौत बड़ी संख्या मा हर साल चारधाम जातरा मा श्रद्धालु उत्तराखण्ड मा औन्दन। द्विया पर्यटना नजर मा खास छन। महाराजन बोलि प्रदेसा विकास खूंणि भाजपा सरकार बौत जरूरी च। केन्द्र म प्रधानमंत्री मोदी के सरकार खळाखळ देस म विकास काम करणि च। सर्या दुन्या मा आज भारत कु नौं ऊंचु च। मध्यप्रदेसा मा बि विकास गंगा इन्नि बगड़ि र्यां यां खूंणि भाजपा कु सत्ता मा औंण जरूरी च। जनसभा मा भाजपा क बौत सर्या पदाधिकारी अर कार्यकर्ता अर प्रत्याशी दिव्यराज सिंह, रीवा रियासत क महाराज पुष्पराज सिंह अर भापजा नेता सुयश रावत दगड़ बौत सर्या लोग छायीं।