हंस फाउंडेशन क संस्थापक भोले जी महाराजन अर माता मंगला जी न मुख्यमंत्री राहत कोष मा दे 11 करोड़ रुप्यौं कु चेक

देरादूण। हंस फाउंडेशन के संस्थापक भोले जी महाराजन अर माता मंगला जी न आज मुख्यमंत्री कैम्प कार्यालय मा मुख्यमंत्री पुष्कर सिंह धामीन से भेंट कायी।

ऐ मौका फर उन्न प्रदेस मा अईं आपदाळ दिक्कत मा रैंण वला प्रदेस क रैवासियों क मदत खूंणि मुख्यमंत्री राहत कोष मा 11 करोड़ रुप्यौं कु चैक दे। मुख्यमंत्री धामीन माता मंगला अर भोले जी महाराज थैं आभार बोलि।

मुख्यमंत्री धामीन बोलि हंस फाउण्डेशन राज्य सरकारक बगत-बगत पर अपड़ि तरफ बटि मदत करणु रैंद। उन्न बोलि प्रदेस मा जब भि कुईं आपदा या कै थैं कुईं भि दरकार हूंद, त हंस फाउण्डेशन सेवा क कामु मा सदनि अगनै रैंद। उन्न बोलि कोरोना काल मा भि हंस फाउण्डेशन प्रदेस मा बौत तरौं क मदत अर सेवा क काम करिन। मुख्यमंत्रीन बोलि शिक्षा, स्वास्थ्यक तोक मा भि हंस फाउण्डेशन राज्य सरकार थैं लगातार मदत देंणु च।