खाद्य विभाग मा बदळि कु खेल, रेखा आर्य थैं पता बि नि चलि अर जिलों मा डीएसओे क ह्वै ग्यायी बदली
देरादूण। खाद्य आपूर्ति विभाग मंत्री न डीएसओ क बदली क आदेश थैं निरस्त कैरि द्यायी।
रेखा आर्य एक चिट्ठी लेखि अर बोलि कि डीएसओ क बदली क मामला मा ऊंथैं नि पूच्छें ग्यायी। जैका बाद उन्न थ्वड़ा सी देर बाद ईं डीएसओ क बदली थैं निरस्त कैरि द्यायी।
आज बुधवार खूंणि सचिवालय बटि एक आदेश जारी ह्वै। आदेश खाद्य आपूर्ति विभाग क डीएसओ क बदली थैं लेकैकि छायी। प्रदेस मा सब्बि जनपदु क डीएसओ थैं इन्न बटि उन्न करै ग्यायी। ऐ आदेश थैं खाद्य सचिव सचिन कुर्वेल जारी कायी। जै फर रेखा आर्य न अपड़ि टणाक (नाराजगी) जतै अर आदेश के थ्वड़ा देर बाद हि मंत्री रेखा आर्य न तरफ बटि एक औरि चिट्ठी जारी ह्वै जैमा उन्न सब्यां बदली थैं निरस्त करै द्यायी।