देरादूण मा ह्वै ग्रामीण विज्ञान कांग्रेस कु पैळु आयोजन

देरादूण। मुख्यमंत्री धामी न आज देरादूण मा तीन दिनाकु 17 वीं उत्तराखण्ड राज्य विज्ञान अर प्रौद्योगिकी कांग्रेस 2023 क जरिया ‘प्रथम ग्रामीण विज्ञान कांग्रेस’ कु आयोजन तैं शुरु कायी।

ऐ मौका फर उन्न वैज्ञानिकौं तैं विज्ञान पुरोधा सम्मान से बि सम्मानित कायी।
मुख्यमंत्री न ऐ मौका फर हाइड्रोपोनिक यूनिट, क्यू आर कोड पर बण्यूं जैव विविधता पार्क अर प्राइट आॅफ उत्तराखण्ड एक्सपो कु भि उद्घाटन कायी।

मुख्यमंत्री न बोलि कि देरादूण मा ग्रामीण विज्ञान कांग्रेस कु पैळि कार्यक्रम हूंण च।
एक भारत-श्रेष्ठ भारत कु संकल्पना तैं सार्थक करणा अर राज्य कु विकास तैं अगनै बढ़ौंणा खूंणि इन्न कार्यक्रम जरुरी छन। उन्न बोलि कि उत्तराखण्ड प्राकृतिक सौन्दर्य क दगड़ा दगड़ि प्राकृतिक संसाधन मा बौत खास प्रदेस च।

मुख्यमंत्री न बोलि कि सर्या दुन्या मा विज्ञान अर प्रौद्योगिकी क तोक मा खळाखळ अगनै बढ़णि च।

ऐ मौका फर ग्राम्य विकास एवं कृषि मंत्री गणेश जोशी, पद्मभूषण, पर्यावरणविद् डॉ. अनिल प्रकाश जोशी, विधायक सहदेव सिंह पुंडीर , सचिव शैलेश बगोली, महानिदेशक यूकास्ट प्रो. दुर्गेश पंत छायीं।