सवाड़ गौं मा सुरु ह्वै पन्दरौं अमर शहीद म्याळा

थराली: सवाड़ गौं मा पन्दरौं अमर शहीद म्याळा सुरु ह्वैग्यें, सैन्य कल्याण मंत्री गणेश जोशी न तीन दिनकु म्याळा थैं सुरु कायी।

तीन दिनकु यु म्याळा 7 दिसम्बर खूंणि सुरु हूंद। कैबिनेट मंत्री गणेश जोशी न शहीद स्मारक मा जैकि वीर शहीदु थैं नमन कायी अर सवाड़ गौं क वीर ज्वानु थैं समळौण कायी।

सवाड़ गौं क रैवासियों न कैबिनेट मंत्री थैं अपिड़ मैनतन बण्यूं केन्द्रीय विद्यालय दिख्यें अर स्कुळ थैं जल्दी सुरु करणा क अर शहीद म्याळा थैं राजकीय म्याळा घोषित करणा क मांग कायी। जै फर कैबिनेट मंत्री बोलि कि अगळि साल हूंणि वलु शहीद म्याळा राजकीय म्याळा ह्वाळु। त वखि उन्न एक साळ क भितर केन्द्रीय विद्यालय थैं सुरु करणा क बात भि बोलि।

ऐ म्याळा मा कपकोटा क विधायक सुरेश गड़िया, थराली विधायक भूपालराम टम्टा थीं छायीं।