शॉपिंग मॉल मा ईवी चार्जिंग स्टेशन बण्ये जाला
देरादूण। शॉपिंग मॉल मा ईवी चार्जिंग स्टेशन बण्ये जाला यां का निर्देश मुख्य सचिव श्रीमती राधा रतूड़ी न दे दी।
मुख्य सचिवन सबि विभागु तैं गाड़ियौं की स्क्रैप पॉलिसी कु पालन करणा निर्देश दींन। मुख्यसचिवन सैरु क बीच ग्रीन बेल्ट बणौंणा अर सड़कियौं क बीच खाली प्वड़ि जगौं मा ट्रैफिक कॉरिडोर मा डाळ क जगा जादा से जादा बांसा डाळ लगौंणा का निर्देश दींन। यांका दगड़ि उन्न राष्ट्रीय स्वच्छ वायु कार्यक्रम क जरिया देरादूण, ऋषिकेश अर काशीपुर मा प्रदूषणा तैं रवक्णा वास्ता स्वच्छ वायु एक्शन प्लान बणौंणा निर्देश दींन।
मुख्य सचिवन खैड़ कु डोर टू डोर कलेक्शन पर सख्ती करणा अर 100 प्रतिशत अर मलिन बस्ती मा बि डोर टू डोर कलेक्शन करणा कु बन्दुबस्त करणा वास्ता बोलि।
मुख्य सचिव राधा रतूड़ी न मुख्य जंक्शन पर इंटिग्रेटेड टैªफिक मैनेजमेंट सिस्टम बणौंणा अर डस्ट कंट्रोल वास्ता सड़कि तैं सुधारणा निर्देश दींन।
मुख्य सचिवन बोलि कि साल 2025-26 तक प्रदूषकौं की मात्रा म 40 प्रतिशत कमी करणा कु लक्ष्य प्राप्त करणा वास्ता विभाग तैं कटकुटा कदम उठौंणा खुणि बोलि।
बैठक मा उत्तराखण्ड प्रदूषण नियंत्रण बोर्ड अर हौरि विभागु का अपर सचिव, नगर आयुक्त देरादूण अर हौरि अधिकारी छायीं।