दिनम सस्ती त राति होलि मैंगि बिजली

देरादूण। उत्तराखण्डम प्रीपेड मीटर लगौंणा बाद बिजलिक दाम दिनम, ब्यखुनी दा अर रात्रि अलग-अलग लिये जाला। दिनम बिजली सस्ती अर रात्रिम मैंगि ह्वे जाली।

सर्या प्रदेसम प्रीपेड मीटर लगौंणा कु काम जल्दी सुरु ह्वे जालु। यूपीसीएल न यां खुणि कंट्रोल रूप बणै याली। ट्रांसफार्मरू मा स्मार्ट मीटर लगौंणा कु काम बि पूरू हूंण वलु च।

बड़ी खबर या च कि अब एक दिनम बिजली का दाम एक जन्नि नी राली। बिजलिक दाम दिनम, ब्यखुनी दा अर रात्रि अलग-अलग लिये जाला। अर यु इल्लै होलु कि दिनम यूपीसीएल सौर ऊर्जा मूल्यौंन्द, ज्वा 2 से ढाई रुप्यां यूनिट च, इल्लै दिनम बिजली सस्ती, त रातिम यूपीसीएल क्वीला (कोयला) अर गैस से बणि बिजली मूल्यौंन्द ज्वां 7 से आठ रुप्या यूनिट च।

यूपीसीएल एमडी अनिल कुमारन बतै कि प्रीपेड मीटर लगौंण कु क्वीं दाम उपभोक्ता से नीं लिये जालु।

यीं होला फैदा –
बिल कु झंजट खतम, बिजली खपता सर्या जाणकारी मोबैल पर मिललि अर मीटर रीडिंगा, जरूरत नीं होलि। घौर बिटि हि ह्वे जाली बिजली रिजार्च। प्रीपेड मीटर लगौंण वलों तैं मिललि 4 प्रतिशत छुट, राति बैलेंस खतम हंूण फर बिजली नीं कटे जाली।