भ्यूंचळा क झटकों ल हिळि ग्यायी उत्तरकाशी

देरादूण। उत्तराखण्ड क धरती एकदा दूबरा भ्यूंचळा हिळि ग्यायी। आज शाम पांच बजि क बगत उत्तरकाशी जिला मा तेज भ्यूंचळु क झटका महसूस करै ग्यीं। भ्यूंचळु इतगा तेज छायी कि उत्तरकाशी क रैवासी अपड़ा-अपड़ घौर बटि भैर ऐग्यीं। या मा सबसे बड़ी राहत क बात या च भ्यूंचळु से हूंण वळु नुकसान के अब्बि तक कुईं खबर नि ।

जिला आपदा प्रबंधन अधिकारी देवेेन्द्र पटवाल न बतै कि भ्यूंचळा से कै भि तरौं कु कुईं नुकसान नि ह्वै। उन्न बतै कि आज व्यखुनी दा 4 बजि के 53 मिनट पर उत्तरकाशी, पुरोला, बड़कोट, मोरी, नौगांव मा भ्यूंचळा क झटका लगीं।

जिला आपदा प्रबन्धन अधिकारी देवेंन्द्र पटवाल न बतै कि रिक्टर पैमान पर भ्यूंचळा क तेजी 4.1 नपै ग्यायी। उन्न ब्बोळि कि भ्यूंचळ के केन्द्र हिमाचल मा रवांई वन रेंज मा छायी। जू भूंय्यां बटि 10 किलोमीटर ताळ छायी।