डॉ. अनिल चंदोला कुशल प्रशासक अर विभागा क पछ्याण छायीं : महानिदेशक

देरादूण। सूचना विभागा क अपर निदेशक डॉ. अनिल चंदोला अर मुख्य प्रशासनिक अधिकारी गोपाल सिंह राणा रिटैर ह्वैग्यीं।

ऐ मौका फर महानिदेशक सूचना बंशीधर तिवारी न द्वियों थैं समळोण्या (स्मृति चिह्न) दे अर ऊंकी जिन्दगि राजि-खुसी रैयां या बिनती दय्बतौं से कायी।

महानिदेशक न बोलि हम जु भि काम ज्यू लग्यें की करदौ, त हमरि जिकुड़ि मा नै ऊर्जा अफि पैदा ह्वै जान्द अर जब करम मा भावना जुड़ि हुन्द, त जिकुड़ि मा खुसी अर छपछपी प्वोड़ि जान्दि।

महानिदेशक न बोलि कि अपर निदेशक डॉ. चंदोला सूचना विभाग मा एक कुशल प्रशासक अर विभागा पछ्याण छायीं। उन्न सबि अधिकारियों अर कर्मचारियों क दगड़ विभाग तैं अगनै बढ़ौंणा कु काम कायी।

अपर निदेशक डॉ. अनिल चंदोला न अपड़ि 36 साळ क नौकरि मा अपडु तजुर्बा थैं बतै अर बोलि कि जु काम सब्यौं क दगड़ मिलकैकि हून्दन, वु काम सदनि पूरा हून्दिन अर खुसी दीन्द। उन्न अपड़ा दगड़ काम करण वळा सबि अधिकारियों अर कर्मचारियों कु आभार बोलि।

मुख्य प्रशासनिक अधिकारी गोपाल राणा न अपड़ा दगड़ काम करण वळा सबि अधिकारियों अर कर्मचारियों कु आभार बोलि।

ऐ मौका फर संयुक्त निदेशक आशिष त्रिपाठी, के. एस. चौहान, संयुक्त निदेशक (से.नि) राजेश कुमार, उप निदेशक डॉ नितिन उपाध्याय,, मनोज श्रीवास्तव, रवि बिजारनियां, सहायक निदेशक श्रीमती अर्चना अर विभागा का औरि अधिकारी अर कर्मचारी छायीं