डबल इंजना सरकार डबल स्पीड से काम करणि च : धामी

देरादूण। मुख्यमत्री धामीन आज सिटी फॉरेस्ट देरादूण मा उर्यूं कार्यक्रम मा भाग ल्यायी अर मसूरी-देरादूण विकास प्राधिकरणा 226 करोड़ रुप्यौंक विकास परियोजनौं कु लोकार्पण अर शिलान्यास कायी। मुख्यमंत्री न बोलि कि या परियोजना यखकु विकास मा मील कु पत्थर साबित होलि। यांका दगड़ि उन बतै कि प्रधानमंत्री मोदी क नेतृत्व मा देस खूब विकास करणु च। देसा विकास मा उत्तराखण्ड कु बि खुब विकास हूंणू च। उन्न बोलि उत्तराखण्डा लोगु क सोच बदलि ग्यायी, डबल इंजना सरकार डबल स्पीड से काम करणि च।

मुख्यमंत्री न बोलि प्रदेस मा सड़कियों कु जाल बणणु च। ऋषिकेश अर उधमसिंहनगर मा एम्स कु सेटेलाइट सेंटर बणणु च। केदारखण्डा दगड़ि मानसखण्ड मंदिर माला मा मंदिरों कु काम हूंणू च।

ऐ मौका पर कैबिनेट मंत्री प्रेमचंद अग्रवाल, कैबिनेट मंत्री गणेश जोशी, विधायक उमेश शर्मा काऊ, उत्तराखण्ड अल्पसंख्यक आयोग के अध्यक्ष डॉ. आरके जैन, वी. सी एमडीडीए बंशीधर तिवारी, अर हौरि लोगु छायीं।