जिलाधिकारी न मोटरसैकिलम घुमिकि देरादुणा तैं बन्दुबस्त तैं देखि
देरादूण। देरादूणा जिलाधिकारी सविन बंसल अर एसएसपी अजय सिंह द्वियौं न आज मोटर सैकिलम घुमिकि सैर कु बन्दुबस्त देखि।
जिलाधिकारी अर एसएसपी द्वियौंन डीएम कैम्प दप्तर राजपुर रोड बिटि पल्टन बजार अर बल्लूपुर चौक तक निरीक्षण कायी।
ऐ मौका पर जिलाधिकारीन सारनपुर चौकम सीवर लैन कु काम देखि अर काम करण वलि कम्पनी तैं पैलि एक जगाम काम पूरु कैकि अगनै काम सुरु करणा बारम बोलि।
ऐ मौका पर उन्न फलैओबरा ताल पार्किंग बणै जै सकदि की ना, यांका बारम विचार करणा खुणि बोलि अर विभागा अधिकारियौं तैं रिपोर्ट त्यार कैकि दिंणा खुणि बोलि।
जिलाधिकारी न बतै कि सड़किम जमा पाणि तैं निकलणा कु बन्दुबस्त सै नीं च अर सड़किम खडवळा छन। ऐ बारम उन्न विभाग से रिपोर्ट मांगी।
घंटाघरा जाम खतम करणा खुणि उन्न ओवरब्रिज अर डिवाइडरम बदलौ करणा बारम विचार कायी। उन्न बोलि आईएसबीटी कु फलैओबरा ताल लगण वलु जाम कु हल निकले जालु।