जिलाधिकारी दप्तर, जाळि भर्ति पत्रा मामला मा मुकदमा दर्ज

देरादूण। उत्तराखण्ड मा जाळि भर्ति पत्र दिंणा मामला रुकणा नी छन। जाळि भर्ति पत्रा मामला मा एक नौनि तैं जिलाधिकारी देरादूण मा डाटा एंट्री ऑपरेटरा पद पर भर्ति कु जाळि भर्ति पत्र दिये जाणा कु मा मा अब देरादूण जिलाधिकारी आदेश बाद अब मुकदमा दर्ज करै ग्यायी। दोषी क खिलाप नौनि क बुबा न नगर कोतवाली मा मामला दर्ज कै याली। बतै जाणु च कि दोषी न अप्फु तैं सचिवालय मा संपत्ति विभाग मा अप्सर बतै। ऐ मामला मा पुलिस जांच करणि च।

ये मामला मा पीड़ित क बुबा न एडीम प्रशासन ता शिकैत दर्ज कै अर बतै कि ऊंकी नौनि बीबीए पास च अर बेरुजगार च। उन्न बोलि अवनीत भट्ट से ऊंकी मुखाभेंट ह्वे। अवनीत भट्ट न अप्फु तैं सचिवालय मा संपत्ति विभाग मा राज्य संपत्ति वर्ग -2 कु अधिकारी बतै अर अपणु पछ्याण पत्र बि दिखै।

अवनीत भट्टन बोल कि जिलाधिकारी देरादूण मा डाटा ऑपरेटर पद खाली छन अर वु ऊंकी बेटी तैं नौकरि लगै देलु। वै का बाद अवनीत भट्ट न बोलि कि कागज पत्रर तयार करणा प्वाड़ला, जै खूणि 20 हजार रुप्या दिंण प्वाड़ला, जु सरकारि फीस च। जैका बाद उन्न अवनीत पर भरोसु कैकि 20 हजार रुप्या दे दी। एक हप्ता बाद अवनीत न एक भर्ति पत्र दे, जु जिलाधिकारी देरादरूण दप्तर बिटि जारी छायी। पीड़िता अर वैंकी नौनि जब जिलाधिकारी क दप्तर मा पौंछिन तब पता चलि कि भर्ति पत्र जाळि च।

जैका बाद रायपुरा रैवासी जगदीश न पुलिस मा शिकैत कायी कि ऊंकी नौनि तैं नौकरि दिलौंणा नौं पर अवनीत भट्ट न जिलाधिकारी देरादूण क नकली दस्तकत कु भर्ति पत्र दे कैकि ध्वका द्यायी। शिकैत दर्ज हूंणा बाद ऐ मामला मा पुलिसन जांच सुरू कै याली।