आपदा मा जु बि कुटुम्दरि पीड़ित च, सरकार वु क दगड़ खड़ी च : मुख्यमंत्री धामी
जोशीमठ। जोशीमठ मा खळाखळ भ्वां मा धंसणि जमीन तैं लेकैकि प्रदेस सरकार चटक ह्वीं च। प्रधानमंत्री मोदी मुख्यमंत्री धामी क दगड़ ळगातार यांका बारा मा जाणकारि लिंणा छन।
व वखि मुख्यमंत्री धामीन आज जोशीमठ पौंचिग्यीं। मुख्यमंत्री धामी न जोशीमठ मा बचौंव अर मदत खूंणि हूंण वळा कामु क समीक्षा कायी अर जोशीमठ क रैवासियों क दगड़ मा भेंट कायी। मुख्यमंत्री आज राति जोशीमठ मा हि राळा।
दुसर तरफौं केन्द्रीय गृहमंत्री अमित शाह अर भाजपा के राष्ट्रीय अध्यक्ष जेपी नड्डा न आज मुख्यमंत्री धामी क दगड़ बाता कायी अर जोशीमठ मा चलण वळा बचौंव अर राहत कामु क बारा मा जाणकारि ल्यें अर सबि तरौं क मदत करणा क बात बोलि।
मुख्यमंत्री धामीन जोशीमठ मा सबि अधिकारी अर अफसरु क दगड़ बात कायी। मुख्यमंत्री न बोलि कि हमरि पूरी सरकार अर केन्द्र सरकार आपदा मा जु बि कुटुम्दरि पीड़ित च वु क दगड़ मा खड़ी च अर उंकी मदत करणा कु अर वैथैं नै जगा मा बसौंणा खूंणि काम करणि च।