महानिदेशक विद्यालयी शिक्षान कायी ”रतब्याणी“ ई-पत्रिका कु विमोचन
देरादूण। समग्र शिक्षा उत्तराखण्डम महानिदेशक विद्यालयी शिक्षा झरना कमठानन आज “रतब्याणी” ई-पत्रिका कु पैलु संस्करण कु विमोचन कायी।
ऐ मौका पर निदेशक अकादमिक शोध एवं प्रशिक्षण वन्दना गर्ब्यालन ई-पत्रिकक बारम बतै अर बोलि कि ई-पत्रिका नवाचार तकनीकी संसाधनु तैं जादा से जादा लोगु तक पौंछणकि कोसिस च। उन्न बोलि कि ई-पत्रिका तैं शैक्षणिक प्लेटफॉर्म पर प्रकाशित करे जालु, जख क्यूआर कोडा जरिया ई-संसाधनु तक पौंछे जै सकदु।
महानिदेशकन ई-पत्रिका कु खुब गुणगान (प्रशंसा) कायी अर बोलि यां खुणि समुदायोंक मदत लिये ज्यां।
विमोचन कार्यक्रमम माध्यमिक शिक्षा निदेशक लीलाधर व्यास, राज्य परियोजना निदेशक समग्र शिक्षा उत्तराखण्ड डॉ. मुकुल सती, अपर निदेशक बेसिक रघुनाथ आर्य, अपर निदेशक गढ़वाल मण्डल एस.बी. जोशी, अपर निदेशक एस. सी. ई. आर. टी. आशा रानी पैन्यूली, संयुक्त निदेशक पदमेन्द्र सकलानी, संयुक्त निदेशक कंचन देवराड़ी, उप राज्य परियोजना निदेशक मदन मोहन जोशी अर विभागा हौरि अधिकारी छायी।