केदानाथ मा ह्वै हैलीकॉप्टर हादसा, पायलट समेत 7 मनखि ह्वैग्यीं टुणपट, अबि ह्वै सेवा थैं रव्कें ग्यें
देरादूण। केदारनाथ क नजीक गरुड़चट्टी मा आज एक हेलीकॉप्टर हादसा ह्वैग्यें। जैमा पायलट क दगड़ सबि जातरि टुणपट ह्वैग्यीं।
वखि यूकाडा के सीईओ सी रवि शंकरन एक प्रेस वार्ता कायी अर बतै कि यीं घटना क डीएम क अध्यक्षता मा मजिस्ट्रेट जांच क आदेश दियेग्यीं।
उत्तराखण्ड नागरिक उड्डयन विकास प्राधिकरण क मुख्य कार्यकारी अधिकारी सी रविशंकर न बतै कि ई घटना मा मुम्बई क पायलट अनिल सिंह क दगड़ मा 6 जातिर छायीं जैमा तीन जातरि गुजराज अर तीन जातरि कर्नाटक का छायीं सबि टुणपट ह्वैग्यीं।
यूकाडा क सीईओ न बोलि कि अबि तक इन्न लगणु च सरग खराब छायीं। उन्न बोलि कि केदारनाथ सरग कबि भि खराब ह्वै जांद इन्न मा पायलट थैं अप्फि यु स्वचण प्वड़दु कि हेलीकॉप्टर थैं उड़ौणा च कि न। उन्न बोलि अबि हमन केदानाथ मा ह्वै सेवा पर रोक लग्यें दें।