मुख्यमंत्री धामीन कायी सगन्ध फसल उत्कृष्टता केन्द्र कु लोकार्पण
देरादूण। मुख्यमंत्री धामीन आज सगंध पौधा केन्द्र, सेलाकुई मा सगन्ध फसल उत्कृष्टता केन्द्र कु लोकार्पण कायी।
ऐ मौका फर मुख्यमंत्री जिमदारु क कमै थैं बढ़ौंणा खूंणि दालचिन्नी अर टिमरू पर टकटुकु कैकि काम करणा क घोषणा कायी।
मुख्यमंत्री न बोलि कि टिमरू व दालचिन्नी क जरिया पाड़ मा रोजगार ख्वजें जै सकदु। सगन्ध मा काम करण वळा उत्तराखण्ड जिमदार अर ज्वानु नौनो तैं मिलण वळु फैदा तैं देखिक सगन्ध पौधा केन्द्र तैं औरि कटकुट करणा खूंणि एक्ट बण्यें कि संस्थान तैं औरि विकसिक कर्यें जाळु। मुख्यमंत्री न बोलि कि उत्तराखण्ड मा सगंध फसळ अब औरि फसळु क तरौं बुतैं जाणि च। उन्न बोलि कि जिमदरौं तैं जन्नि उंकी मांग च, बगत बगत पर उथैं यांकी बिज्वाण (पौधें) दियें जाणा खूंणि सगन्ध पौध केन्द्र बण्यें ग्यें। मुख्यमंत्री न बोलि कि प्रधानमंत्री क बतैयां बाटु पर प्रदेस मा आर्थिकी अर पर्यावरण का दगड़ मा समन्वय बण्यें कि प्रदेसा विकास फर खास ध्यान दियें जाणु च।
मुख्यमंत्री न बोलि कि साइंस अर टेक्नौलॉजी क उपयोग कैकि जिमदारौं खूंणि अच्छु बाटु बण्यें जाणु च। जै से आण वळ बगत मा उंकी कमै दुगणा ह्वै सक्यां।
ऐ मौका फर विधायक सहदेव पुंडीर, मुन्ना सिंह चौहान, भाजपा महिला मोर्चा अध्यक्ष श्रीमती आशा नौटियाल, सगंध पौधा केन्द्रा निदेशक डॉ. नृपेन्द्र चौहान, महानिदेशक यूकॉस्ट प्रो. दुर्गेश पंत, अर जिमदार छायीं।