पाणि क स्रोत चाल-खाल, गाड़-गदेरों तैं दुबरा ज्यूंदु करे ज्यां : सीएम धामी
मुख्यमंत्री धामिन आज सचिवालय में सिंचाई, लघु सिंचाई अर ग्रामीण निर्माण विभागा योजनौं की समीक्षा कायी।
ऐ मौका पर मुख्यमंत्रिन पाणि क स्रोत तैं बचौंणा वास्ता चाल-खाल, गाड़-गदेरों तैं दूबरा ज्यूंदू करणा करणा बारम बोलि। उन्न बोलि कि ज्यूंद रैंणा वास्ता पाणि अधार च इल्लै पाणि क स्रोत तैं बचौंणा वास्ता चाल-खाल, गाड-गदेरों तैं बचौंण कोसिस करे ज्यां।
मुख्यमंत्रिन सिंचाई, लघु सिंचाई विभाग अर नगर निगमु तैं सैरी तोकम बरखा कु पाणि तैं बचौंणा वास्ता मिलिकि काम करणा बात बोलि। उन्न बोलि कि ग्राउंड वाटर रिचार्ज पर खास ध्यान देंण जरुरत च। उन्न बोलि कि हमतैं पूरण तरीकों तैं छोड़िकि नै तरीकों पर खास ध्यान दियें ज्यां। मुख्यमंत्रिन जमरानी अर सौंण बांध परियोजनाक कामु तैं तेजी से करणा बात बि बोलि। उन्न बोलि कि डेªनेजा दिक्कत कु हल निकलणा खुणि झटाझट काम करे ज्यां। उन्न बोलि यु बि तय करे ज्यां कि सिंचै की नहर कु जादा से जादा फैदा लोगु तैं मिल्यां। मुख्यमंत्रिन सिंचै विभाग अर खनन विभाग तैं गदनों अर तलों मा जमा गाद तैं निकलणा का बि निर्देश दींन।
बैठक मा उपाध्यक्ष अवस्थापना अनुश्रवण परिषद विश्वास डाबर, मुख्य सचिव श्रीमती राधा रतूड़ी, अपर मुख्य सचिव आनन्द बर्द्धन, प्रमुख सचिव आर. मीनाक्षी सुंदरम, सचिव विनय शंकर पांडेय, सीपीपीजीजी क् एसीईओ मनोज पंत, उप सचिव अजीत सिंह, प्रदीप मोहन नौटियाल अर विभागा अधिकारी छायीं।