जनता दगड़ि कर्यां वादों तैं पूरु करणि च धामी सरकारः महाराज

मुख्यमंत्री धामी के नेतृत्व मा प्रदेस सरकार देवभूमि उत्तराखण्ड तैं अग्वानया (अग्रणी) प्रदेसम विकसित करणा वास्ता खळाखळ कोसिस करणिच। प्रदेसम कु मूल अर देवभूमि कु सरोप (स्वरूप) म क्वीं बदलौ न हूंया या का वास्ता प्रदेस सरकारन समान नागरिक संहिता, धर्मान्तरण कानून, दंगारोधि कानून, अर कटुकुटु भू-कानून, नकल विरोधी कानून जना बड़ा फैसला करनि।

या बात प्रदेसा पर्यटन, धर्मस्व, संस्कृति, लोक निर्माण, सिंचाई, पंचायतीराज, जलागम, मंत्री सतपाल महाराजन चौबट्टाखाल विधानसभा मुख्यालय पोखड़ा म सरकारा तीन साल पूरु हूंण पर उर्यूं जन सेवा बहुउद्देशीय शिविरम बोलि।

कैबिनेट मंत्री महाराजन बोलि कि हमरि सरकारन प्रदेसा जनता से जु बि वादा कै छायीं, वु सबि पूरा करै जाणा छन। उन्न बोलि यु तीन सालु मा प्रदेस सरकारन बौत बड़ा अर ऐतिहासिक काम करिन।
समान नागरिक संहिता लागू करण वलु उत्तराखण्ड देस कु पैलि प्रदेस बणिग्ये।
उत्तराखण्डा राज्य आंदोलनकारियों अर ऊंका आश्रितों तैं प्रदेस सेवाम 10 प्रतिशत क्षैतिज आरक्षण दिये जाणु च। प्रदेसम दूर-दराज तोक मा रैंण वला अनुसूचित जाति क छात्र-छात्रौं तैं सैरम पढ़ै वास्ता रैंणा खुणि मुफतम 15 राजकीय अनुसूचित छात्रावास चलये जाणा छन।

महाराजन बोलि चारधाम क ह्यंूदा प्रवास अर पर्यटन तैं नै दिसा म लिजाणा वास्ता प्रधानमंत्री मोदी न ह्यूंदा मैना की जातरा सुरु कायी।

महाराजन बोलि कि केन्द्रीय सरकार 4081 करोड़ रुप्या 12.09 किलोमीटर केदारनाथ रोपवे परियोजना अर 2730 करोड़ रुप्या 12.4 किलोमीटर लम्बु हेमकुण्ड साहिब रोपवे परियोजना वास्ता मंजूरि करिन।

कैबिनेट मंत्री महाराजन बोलि कि लोक निर्माणा विभाग जरिया राज्य मार्ग, मुख्य जिला मार्ग, ग्रामीण मार्ग अर हौरि जिला मार्ग कुल 33047 किमी. बिटि 26355 किमी० सड़कियों कु डामरीकरण ह्वेग्यायी।

पिछल 3 सालु मा प्रदेसम लोक निर्माण विभागन 1079 किमी० नै सड़क, 2816 किमी० सड़कियों तैं दुबरा अर 84 पुळु तैं बणै। उन्न बोलि कि लोक निर्माण विभागन प्रदेश में पिछल तीन सालु मा 21089 किमी. सड़कियों का खडवळा भ्वरिन।