दिवाल लिखण कु अभियान मा सामिल ह्वीं महाराज अर बोलि कमल शुभ अर धार्मिक निसाण च

देरादूण। औंण वला लोकसभा चुनौ मा भाजपा 400 से जादा सीट जितली। या बात प्रदेसा सिंचाई, लोक निर्माण, पर्यटन, पंचायतीराज, ग्रामीण निर्माण, धर्मस्व अर संस्कृति मंत्री सतपाल महाराज बोलि।

भाजपा लोकसभा चुनौ क त्यारि मा लगि ग्यायी। भाजपा न अबकि दा 400 पारी कु लक्ष्य तय कर्यूं च। भाजपा न ये लक्ष्य तैं पार करणा खूणि भाजपा न सर्या देस मा जगा-जगा दिवाल पर लख्यणा कु अभियान चलयुं च।

आज कैबिनेट मंत्री सतपाल महाराजन दिवाल लिखण कु ऐ अभियाना सुरुवात अ पड़ा कैम्प दप्तर सुभाष रोड बिटि सुरु कै याली। ऐ मौका फर उन्न बोलि कि कमल निसाण धार्मिक हूणा दगड़ा-दगड़ि देस खूणि बौत शुभ च।

सतपाल महाराजन बोलि कि आज पूरु संसार कमलमय हूंयू च। माता लक्ष्मी कमला फूल पर बैठि कि प्रकट ह्वे, जु भारत देस खूणि बौत शुभ च उन्न बोलि कमल एक धार्मिक निसाण च।

सतपाल महाराजन बोलि कि 22 ज न वरी खूणि अयोध्या मा भगवान रामा प्राण प्रतिष्ठा हूणि च। जैमा ऊतैं बि न्यूतू च।

सतपाल महाराजन बोलि कि 500 साला लड़ै क बाद भगवान राम कु मंदिर बणणु च या हम सबि देसा रैवासियों खूणि बौत फकरा (गर्व) बात च।