शपथ ग्रहण पैलि अर बाद मा सर्या देरादूण मा जाम हि जाम
देरादूण। धामी शपथ समारोह से पैलि अर बाद मा देरादूण शहर मा जाम हि जाम दिख्यें। जाम ल पुलिसक दावों क हवा निकळ ग्यायी।
शपथ ग्रहण से पैलि पुळिस अधिकारियों क दावा छायी कि राजपुर रोड क विक्रम दिलाराम चौक अर रायपुर क विक्रम सहस्त्रधारा क्रासिंग तक हि आला लेकिन राजपुर रोड क विक्रम कांग्रेस भवन समणि खड़ा हूयां छायी। जै कारण ऐ राजपुर क सड्क्यिों मा जाम हि जाम लग्यें छायी।
रायपुर क विक्रम सहस्त्रधारा क्रासिंग, नालापाणी चौक बटि सर्वे चौक तक आणा छायी। जै से डीएवी कॉलेज बटि सर्वेचौक क गळियों मा जाम लगि ग्यायी। इन्ना हॉल सर्वेचौक ईसी रोड बेनी बजार क चौराह मा भि छायी। द्वारिका स्टोर मा त गाड़ी सड़िक्यों मा रिंगणि छायीं। सर्या बजार मा जाम हि जाम लग्यूं छायीं।
यांकु बडु़ कारण छायीं कि जख सड़िक्यों मा यातायात पुलिस अर होमगार्ड के जवान थैं खड़ु हूंण छायीं वख सड़िक्यू मा द्विया तरफ पुलिसक ज्वान खड़ा छायीं। पुलिस क ज्वानु थैं या बात समझ मा नि आणी छायी कि कैं बाटु थैं रवक्ण अर कख बाटु थैं ख्वलण। ई वु कारण छायी कि सर्या बजार मा जाम हि जाम लग्यू छायीं।