देरादूण कु नै मास्टर प्लान तयार, घौर कु नक्शा पास करौंणा मा अब नीं ह्वैली क्वीं दिकादरि

देरादूण। देरादूण मा अपणु घौर कु सुपिन दय्खण वळों खूंणि खुसी क खबर च। देहरादून मसूरी विकास प्राधिकरण (एमडीडीए) न डिजिटल मास्टर प्लान-2041 क जरिया अपणि कार्ययोजना बण्यें याली।

देरादूण कु नै मास्टर प्लान बणण से ळोगु की घौर कु नक्शा पास कराण मा हूंण वळि सबि दिकादरि दूर ह्वै जाली।

पांच साल पैळि देरादूण निगर निगम मा शामिल हूयां 72 गौं क ळोगु खूंणि बौत खुसी क खबर च। अबि तक खेति-पाति क जमीन मा घौर अर व्यावसायिक नक्शा पास नी हूंणा छायीं।
अब नै मास्टर प्लान बणण से यु सबि गौं थैं आबादी तोक मा दर्ज कर्यें जाळु। प्राधिकरण क रिकॉर्ड थैं द्यखें ज्यां त पूरु देरादूण मा अबि 28 हजार प्रकरण छन। जैमा जादा नगर निगमा क नै वाडु मा छन। 2018 मा लागू जोनल प्लान मा यूं तोकु क जादा से जादा जमीन थैं खेति-पाति क जमीन दिख्यें ग्यायी। जबकि मौका फर द्यखें ज्या तक वीं जमीन मा मकान हि मकान बण्यां छन। नै मास्टर प्लान मा अब यूं जमीनि कु दर्जा (लैंडयूज) बदलि कैकि ळोग अपणा मकानु क नक्शा पास करें कि पक्कु कै सकदन। यांक क दगड़ मा अब नै मकान बणौंणा मा नक्शा पास करणा मा क्वीं दिकदारि नी ह्वैळी ।