देरादूण नगर निगम न सड़क्यिौं क लैट ठीक करणा कु काम ईईएसएल कम्पनी बटि वापिस लियायी

देेरादूण। नगर निगम न ईईएसएल कम्पनी बटि सड़क्यिौं क लैट ठीक करणा कु काम वापिस लियाली अर लैट ठीक करणा कु काम आस्था इलैक्ट्रॉनिक थैं देयाली अर पैंसा नीं मिलण कारण आस्था कम्पनी न एक जून बटि काम बन्द कै द्यायी। कम्पनी क कर्मचारियौं न पंडित दीनदयाल उपाध्याय पार्क मा धरना द्यायी।

आस्था इलेक्ट्रानिक्स क प्रोजेक्ट मैनेजर शर्मा न बोलि कि हमरि कम्पनी आस्था इलेक्ट्रानिक्स देरादूण नगर निगम तोक मा ईईएसएल अर नगर निगम देरादण खूंणि पिछल 5 साळु बटि सड़कियौं क लैट ठीक करणा कु काम करणि च। उन्न बोलि कि हमरि कम्पनी तैं लैट ठीक करणा क 4 करोड़ रुप्या 2 साल बटि ईईएसएल अर नगर निगम क बीच मा चलणु झगड़ा क कारण नी मिल्णा छन।

उन्न बतै कि आस्था इलेक्ट्रानिक्स क सबि कर्मचारी हड़ताल पर छन अर अब या उमेद च कि नगर आयुक्त, ईईएसएल तक हमरि बात पौछ्यां। उन्न बोलि कि हम बौत मेनत कैकि सड़कि मा खराब लैट तैं ठीक करणा क काम करदौ, उन्न बोलि कि पिछल साल जून 2022 बटि जून 2023 तक हमन 1 लाख 70 हजार सिकैतु तैं ठीक कायी।