राहुल गांधी पर उत्तराखण्ड मा ह्वै मानहानि कु केस दर्ज

हरद्वार। राहुल गांधी क मुसीबत कम हूंणा नौं नी लिंणी च अर बढ़दै जाणि च। अब उत्तराखण्ड हरद्वार मा ऊंका खिलाप मानहानि कु केस दर्ज ह्वैग्यें।

राहुल गांधी क लोकसभा सदस्यता खतम हूंणा बाद अब उत्तराखण्ड मा बि उ का खिलाप एक केस दर्ज ह्वैं ग्यायी। इन्न मा आण वळु बगत मा राहुल गांधी क मुसकिल बढ़ि सकदन।

राहुल गांधी क खिलाप हरद्वार मा केस दर्ज कर्ये ग्यें। उ फर आरोप च कि उन्न आरएसएस खूंणि गलत टिप्पणी कायी। दायर वाद मा शिकैत करण वळा कमल भदौरिया न बोलि कि आरएसएस से देसा रैवासियों की भावना जुडी़ छन। यांका बाद बि राहुल गांधी न 9 जनवरी 2023 खूंणि कुरुक्षेत्र अंबाला मा एक उर्यीं सभा मा आरएसएस पर गलत टिप्पणी कायी।

आरएसएस पर गलत टिप्पणी करण फर राहुल गांधी पर केस दर्ज कर्यें ग्यें। न्यायिक मजिस्ट्रेट द्वितीय शिव सिंह न ऐ मामळा मा प्रकीर्ण वाद दर्ज कैकि 12 अप्रैल 2023 सुंणैं कु दिन तय कायी।