सेंट जोसेफ इस्कुला जमीन, लीज बढ़ौंणा कु ह्वे फैसला
देरादूण। प्रदेसा राजधानी देरादूणम सेंट जोसेफ इस्कुला तैं दीं जमीन तैं वापिस नीं लिंणा कु फैसला सरकार न कै याली।
मुख्य सचिव राधा रतूड़ी न अप्सरू दगड़ि बैठक काीय अर आदेश जारी कै दे अर आवास विभाग तैं इस्कुला लीज तैं दुबरा करणा कु आदेश दिंणा दगड़ि इस्कुल प्रशासन तैं निर्देश दीं की गाड़ियों खड़ी करणा कु बन्दुबस्त इस्कुला भितर हि करण प्वाड़लु। जै कारण से सुभाष रोड अर राजपुर रोड पर कैबि दसाम जमा नीं हूंण चैंद।
बतै दियां कि ब्याली प्रशासना एक टोळा सेंट जोसिफ इस्कुल पौंछि छायीं अर वखक जमीना नाप जोख कै छायीं। सेंट जोसिफ इस्कुल तैं या नजुल भूमि लीज पर दे छायीं।
इस्कुला लीज अप्रैल म खतम ह्वेग्ये छायीं यांका बाद इस्कुलन आवास विकासम मार्चा मैना म लीज तैं दुबरा करणा खुणि आवेदन कै छायीं। पर आवास विकासन लीज नीं बढ़ै अर अब पार्किंगा नौं पर जमीन वापिस लिंणा क कारवै सुरू कै याली छायीं।
मुख्यमंत्री धामी क निर्देश पर आवास सचिव, जिलाधिकारी, एसएसपी अर एमडीडीए के अधिकारियोंक दगड़ि बैठक कायी। जैका बाद मुख्य सचिव राधा रतुड़ी न यीं उमेद पर लीज बढ़ौंणा कु मंजूरि दे द्यायी की इस्कुल प्रशासन तैं इस्कुलया नौन्यालु का अभिभावकौं क गाड़ियौं तैं खड़ी करणा कु बन्दुबस्त इस्कुला भितर हि करण प्वाड़लु।