रूप्योंक गड़बडि क मामला मा दमयंती रावत पर जांचक तय्यरि

देरादूण। रूप्यों के गड़बडि क मामला मा दमयंती रावत पर जांचक तय्यरि करणि च सरकार जै खूंणि तीन सदस्यों क जांच कमेटी बण्यें ग्यें।

शिक्षा सचिव कु एक आदेश ह्वै जैमा दमयंती रावत उत्तराखण्ड भवन अर सन्निर्माण कर्मकार कल्याण बोर्ड देरादूण मा सचिव पद पर छायी। दमयंती पर आरोप छन कि उन्न गलत प्रशासनिक वित्तीय स्वीकृतिक परियोजना थैं बिना सक्षम प्राधिकारी क अनुमति क कर्मचारी राज्य बीमा योजना मा 20 करोड़ रूप्यों क कर्जा दे द्यायी।

बतै दियां बल दमयंती पल्यैक कैबिनेट मत्री डॉ. हरक सिंह रावत क बौत नजीक छायीं। शिक्षा विभाग खण्ड शिक्षा अधिकारी दमयंती रावत पर शासन न जांच सुरू कैरि याली।

ऐ मामलामा जांच शिक्षा सचिव रविनाथ रमनन एक ओदश जारी कै। आदेश क अनुसार दमयंती रावत उत्तराखण्ड भवन अर सन्निर्माण कर्मकार कल्याण बोर्ड देरादूण मा सचिव पद पर काम करणि छायीं। दमयंती फर आरोप छन कि उन्न गैर प्रशासनिक वित्तीय स्वीकृतिक परियोजा थैं बिना सक्षम प्राधिकारी क अनुमति क कर्मचारी राज्य बीमा योजना मा 20 करोड़ रूप्यों क कर्जा दे द्यायी।

सचिव न बोलि कि दमयंती न इन्नों कैकि वित्तीय नियमों थैं तोड़ि। ऐ मामला मा दमयंती थैं 22 सितम्बर 2021 मा कारण बताओ नोटिस जारी ह्वै छायीं। जैमा दमयंती न सब्यां आरोपा थैं गलत बतै छायीं।

सचिव न बोलि कि ऐ मामला मा जांच करणा खूंणि तीन लोगुक जांच समिति बण्यें ग्यायी। श्रम आयुक्त संजय कुमार क अध्यक्षता मा बण्यीं समिति मा वित्त नियंत्रक विद्यायली शिक्षा मोहम्मद गुलफाम अहमद अर उपनिदेशक माध्यमिक शिक्षा हरे राम यादव थैं सामिल करै ग्यें। समिति थैं 15 दिन क भितर अपड़ि रिपोर्ट शासन थैं देंणा क निर्देश दियेंग्यी।