पाड़म बाघक डौर मुद्दा कु तैं लेकैकि दलीप रावत कायी प्रदर्शन
गैरसैंण। भराड़ीसैंण म आज बिटि उत्तराण्ड विधानसभा कु मॉनसून सत्र सुरू ह्वेग्ये। आज मॉनसून सत्रा म विपक्षा विधायकु क दगड़ि सत्ता पक्षा क विधायकु न बि विधानसभा भैर प्रदर्शन कायी।
लैंसडौन विधानसभा क भाजपा विधायक दलीप रावतन विधानसभा क भैर प्रदर्शन कायी अर वन विभागा नीतिम सुधार अर विशेष सत्र बुलौंणा मांग कायी।
भाजपा विधायक न बोलि कि वन विभाग की रोक लगौंण से पाड़म विकासा काम नीं हूंणा छन। इल्लै यांमा बदलौव हूंण चैंद। दलीप रावतन बोलि कि पाड़म बाघ कु डौर बढ़दै जाणि च। छ्वटा-छ्वटा नौन्यालु क दगड़ि ब्यटुळा तैं बाघ हमला करणु च। इल्लै वन विभाग तैं बाघ मरणा की मंजूरि देंण चैंद अर बाघक धंदोड़या मनखि तैं मिलणि वलि मदत तैं बढ़ै जाण चैंद।