संस्कृति मंत्रीन कलाकारू थैं कायी गणखणु (सम्मानित)

देरादूण। हम सब्यौं थैं अपड़ि संस्कृति क दगड़ा मा कला थैं बचाण अर पछ्याण दिलाण खूंणि मिलिकि काम करण प्वाड़लु। या बात प्रदेस क पर्यटन अर संस्कृति मंत्री सतपाल महाराज न आज मंगलवार खंुणि कला अर संस्कृतिक विभाग के प्रेक्षागृह मा हाऊस ऑफ आर्कियोलाजिकल एण्ड आरर्काइवल मैटैरियल कलेक्शन ट्रस्ट अर पुराना दरबार टिहरीन विश्व संग्रहालय दिवस पर उरर्यू उत्तराखंड क सांस्कृतिक धरोहर संरक्षण कार्यशाला मा बोलि।

पर्यटन मंत्री न बोलि कि हम जू भि काम करदो वैकु एक संकल्प हूंणि चैंद तभि हमथैं सफलता मिललि। उन्न बोलि कि हमर यख बौत पुराणि संस्कृति अर सभ्यता च जैथैं बचौंणा अर बतौंण क जरूरत च। उन्न बोलि बल उत्तराखण्ड मा चित्रकला कू प्रचार-प्रसार हूंण चैंद तबि हम उत्तराखण्ड के संस्कृति थैं बचाणा मा सुफल ह्वै सकदो। उन्न बोलि कि उत्तराखण्ड क चित्रकला कै से भि कम नि च।

संस्कृति मंत्री महाराजन ऐ मौका मा आरर्काइवल मैटैरियल कलेक्शन प्रदर्शनी देय्खण क दगड़ा मा चित्रकला से जुड्या कलाकारू थैं भि सम्मानित कायी।

उन्न राम मोहन कंडवाल, मोहरा, जसवीर, आचार्य कृष्णानंद नौटियाल, के. एस. रावत, तनुश्री मिश्रा, डॉ हरिओम शंकर, रविंद्र बडियाल, डॉक्टर मेहरबान सिंह गुसाईं, ठाकुर भवानी, रेनू शुक्ला, देवेंद्र सिंह
थैं सम्मानित कायी।

कार्यक्रम मा कैंट विधायक सविता कपूर अर संस्कृति विभाग क अधिकारियों, कर्मचारियों अर चित्रकला से जुड्यां कन्या गुरुकुल क इस्कुलया नौना नौनि छायीं।