कोराना सबि पर पर प्वड़नु च भारी . . .

देश प्रदेश मा कोरोना क कहर जारी च। मानसून खत्म हुंण व्ळ च लेकिन कोरोना कु कहर जारी च। कोरोना न ळोगु क जान थैं खतरा मा डाळी द्यायी। कोरोना कब, कख, कनकैकि अर कैथैं अपड़ि चपेट मा ले ळिन्दु पता नि चळणु च। अब त सबसे ज्यादा सुरक्षित अर सुरक्षा करणा वळ, कोरोना सै ळोगु थैं जागरूक करण वळा मनखि भि कोरोना क चपेट मा आणा छन। आम से लेकर खास अर मंत्री से लेकर संतरी, शासन का बड़ा बड़ा अधिकारी संक्रमित हूंणा छन।

15 मार्च खुणि प्रदेश मा पैळि कोरोना संक्रमण कु मामळा ऐ छायी। अनळाॅक का बाद तीसरा अर चौथु चरण मा कोराना वायरस का संक्रमण सामुदायिक स्तर तक फैळण बैट्ठि ग्या। कोरोना का खिळाफ छिड़ी जंग मा अब फ्रंट लाइन मा डट्यां डाॅक्टर अर नर्स अर स्वास्थ्य कर्मी भि संक्रमित हूंणा छन। अस्पताळ मा जगा नि च, जै कारण कोरोना सै ग्रसित मनखि अपड़ू इळाज घार मा आइसोळेशन रै कैकि अफि करना छन। प्रदेश का एक दिन मा अब तक एक हजार से ज्यादा मनखि संक्रमित हूंणा छन। कोरोना मा लापरवाह न बल्कि सावधानी जरूचि च।

मानसून सत्र पर भि कोरोना काळी छाया प्वड़ी ग्यी। प्रदेश मा मानसून सत्र से पैळि विधानसभा अध्यक्ष, नेता प्रतिपक्ष इंदिरा हृदेयश अर वन मंत्री तक कोरोना क चपेट मा ऐग्यि। जै कारण सै तीन दिनकू सत्र एक दिनकू करण प्वाड़ा। अबरि प्रदेश मा विधानसभा अध्यक्ष अर नेता प्रतिपक्ष से लेकैकि वन मंत्री अर कै विधायक भि कोरोना से ग्रसित छन।

इन मा सवाळ यों च कि जब दुसरों थैं एखारि-एखरि कोराना से खबरदार रैंणों कु संदेश दिंण वळ अर ऐतिहात बरतण वळ हमरा जन प्रतिनिधि अर नेता हि कोरोना से ग्रसित हुंणा छन तब फिर आम जनता कन कैकि कोरोना से बचळि।