कांग्रेस प्रदेस अध्यक्ष गणेश गोदियाळन विधानसभा मा हार क जिमबारी ल्यायी

देरादूण। कांग्रेस पदेस अध्यक्ष गणेश गोदियाळ न विधानसभा चुनौं मा कांग्रेस पार्टी क हार क नैतिक जिमबारी ल्यायी। उन्न ब्वाळ होरि क बाद पार्टी चुनौं मा अयां नतीजों के समीक्षा कारळी।
कांग्रेस क उर्यीं प्रेस वार्ता मा गणेश गोदियाळ न ब्वाळ कि कांग्रेस प्रदेस क भल्ले खूंणि मनसा वाचा कर्मणा काम करण क कसम लैकैकि अगने बणणि च।

गणेश गोदियाळ न ब्वाल कि पार्टी विचार कारळी अर 2022 मा चुनौं क हार कि समीक्षा कारळी।

गणेश गोदियाळ न प्रदेस क रैवासियों थैं आभार ब्वाळ अर ब्वाळ कि चुनौं का परिणाम हमरा पक्ष मा ऐ लेकिन हम प्रदेस क भले खुंणि काम करणा रौळा। उन्न अपा कार्यकर्ताओं क धन्यवाद भि कायी।

गणेश गोदियाळ न ब्वाळ कि मिन सर्या प्रदेस को धुमि। जैका बाद इन्नु लगणु छायी जनता कांग्रेस क पक्ष मा च। लेकिन परिणाम दय्खण बाद मिथैं भि समझाम नि आणु च कि इन्न कनु कै कि ह्वैग्यायी। उन्न ब्वाळ कि कांग्रेस क ईं हार क मि जिमबारी लिन्दु अर अपणु पद छ्वड़ना खूंणि त्यार छौं। अब पार्टी जन्नु आदेश देळी मि पाळन करणा खूंणि त्यार छौं।