कांग्रेस थैं गैरसैंणा क परवा करणा क क्वीं दरकार (जरूरत) नीं च : महेन्द्र भट्ट
देरादूण। विधानसभा सत्र मा विधानसभा सत्र थैं गैरसैंण मा करयें जाणा क मांग थैं लेकैकि कांग्रेसा क विधायकु न जु घपरोळ कायी, वे फर भाजपान बोलि कि विधासभा सत्र मा ऐ घपरोल क क्वीं दरकार नीं छायीं, वु सदना कु बगत खराब करणु जन्न च।
भाजपा क प्रदेस अध्यक्षान महेन्द्र भट्टन बोलि कि जुु पार्टी जब सरकार मा छायीं तब सदनि राज्य बणाणा कु विरोध करण रैं अर आन्दोलन थैं कमजोर करणि रैं। वु कांग्रेस आज गैरसैंणा क नौं फर आंखों बटि पाणि बगौंणि च।
भाजपा प्रदेस अध्यक्षान बोलि कि ऐ बारा मा कांग्रेसन सदन क भितर जु कै। वै थैं उन्न विकास अर चर्चा से भजण वलु बतै। उन्न बोलि कि अबि जादा दिन पुरणि बात नीं च जब प्रदेस क रैवासी अलग राज्य क मांग थैं लेकैकि सड़क्यिों मा छायीं तब कांग्रेस पार्टी उत्तरप्रदेश अर केन्द्र मा समाजवादी पार्टी क दगड़ मिलिक सरकार चलाणि छायीं।
भट्टन कांग्रेस फर आरोप लग्यें कि सदनि उन्न राज्य बणौंणा कु विरोध अर आन्दोलन थैं दबौंणा क कोसिस कायी। उन्न बोलि कि प्रदेस मा जनतै न चुनी पैळि सरकार कांग्रेसन राजधानी क मामलु मा कबि फैसला करण कु अपड़ु अधिकार कु उपयोग नीं कायीं अर सदनि ऐ मामलु थैं लटकौंणा कु काम कायीं।
महेन्द्र भट्टन बोलि कि भाजपा न अपड़ा चुनौवी घोषणा पतर मा गैरसैंण थैं रूड़ियों क राजधानी अर वखकु चौछ्वड़ी विकास करणा कु मास्टर प्लान बण्यूं च। उन्न बोेलि कि गैरसैंण मा जतगा भि विकासा क काम हूंया छन भाजपा क सरकार मा हूंया छन। उन्न भरोसु दे कि विकासा क बच्यां काम भि भाजपा सरकार मा पूरा ह्वै जाला। उन्न बोलि या खूंणि कांग्रेस थैं गैरसैंणा क परवा करणा क क्वीं दरकार नीं च।