डेमोग्राफिक चेंज पर कांग्रेसन कायी श्वेत पत्र जारी करण मांग
देरादूण। उत्तराखण्डम खळाखळ बणद जाणा अपराधु पर कांग्रेस हमलावार च। कांग्रेस कु ब्वनु च कि आज प्रदेसम हलात बौत खराब छन। सुप्रीम कोर्टन बि प्रदेसा मुख्यमंत्री तैं राजा तरौं काम नीं करणा सलाह द्यायी।
कांग्रेसा प्रदेस उपाध्यक्ष सूर्यकांत धस्माना न बोलि कि इन्नु नी लगणु च कि प्रदेसम सरकार नौं क क्वीं चीज च। धस्माना न बोलि कि प्रदेस सरकारा कैबिनेट मंत्री ब्वना छन कि वुथैं पता ही नीं च अर ऊंका विभागम पदोन्नति अर तबादला ह्वेग्यीन। यनु राज्य महिला कैबिनेट मंत्री क आदिमा नौं पर क्वीं आधार कार्ड बणै दिंद। ब्यटुलों पर हिंसा रुकणि नीं च अर प्रदेसा भाजपा सरकार ब्यटुळों क खिलाप अपराध करण वलों तैं बचौंणा कु काम करणि च।
धस्माना न बोलि कि इन्ना अपराधु तैं रवक्णा खुणि सरकार कुछ नीं करणि च। उन्न बोलि कि मुख्यमंत्री प्रदेसा गृहमंत्री बि छन। मुख्यमंत्री डेमोग्राफिक चेंज बात करणा छन। उन्न बोलि कांग्रेस तैं डेमोग्राफिक चेंज पर सरकार से श्वेत पतर जारी करण मांग करणि च। उन्न बोलि प्रदेस तैं बत्यें जाण चैंद कि क्य प्रदेसम डेमोग्राफिक बदलि ह्वे अर यांकु जिम्मेबार कौच?