उत्तराखण्ड आवा अर ‘घाम तापा’ : प्रधानमंत्री
मुख्यमंत्री क न्यूता पर प्रधानमंत्री मोदी उत्तराखण्डम छन। प्रधानमंत्री जातरा इन्न बगत मा उत्तराखण्ड मा अयां जब ह्यूंदा जातरा खतम हूंणि च चारधाम जातरा सुरु हूंण वलि च।
प्रधानमंत्रिन पर्यटन पर खूब जोर द्यायी अर बोलि कि उत्तराखण्डम पर्यटन बौत सम्भौवना छन। उन्न बोलि उत्तराखण्डम ‘धाम तापो’ पर्यटन इवेंट बणि सकदू। उन्न लोगु अर उद्योगपतियौं से ह्यूंदा मैनौं म उत्तराखण्डा आणा विनती कायी।
उत्तराखण्डा हर्षिलम प्रधानमंत्रिन ह्यूंदा मैनौं मा पर्यटन तैं बढ़ौंवा देंणा बात बोलि उन्न बोलि कि मि चाणू छौ कि उत्तराखण्डम क्वीं बि ऑफ सीजन नीं हूंण चैंद, उन्न बोलि कि जमनु सीजन ऑफ ना बल ऑन कु च।
प्रधानमंत्रिन बोलि कि ह्यूंदा मैना म पर्यटक तैं यखकु मौसम बौत अच्छु लगलु। उन्न बोलि उत्तराखण्डम सर्या साल पर्यटक आला त सर्या साल रूजगार देंणा कु सरकार कु मकसद बि पूरु होलु। उन्न बोलि जब सर्या देसम कुयेंडु लग्यूं रैन्दु अर घाम कखि नीं दिख्येंदू, तब पाडुमा घाम पतण कु अपणु हि मजा च। उन्न बोलि कि यु खास इवेंट बणि सकदू। प्रधानमंत्रिन गढ़वाळि मा बोलि कि घाम तापो पर्यटन ब्वलें जालु। अर घाम तपण खुणि देसा कुणा-कुणा बिटि लोग उत्तराखण्ड आला।
प्रधानमंत्रिन देसा बड़ा-बड़ा उद्योगपतियों से उत्तराखण्डम सेमिनार उर्यौंणा वास्ता उत्तराखण्ड औंणा विनती कायी। प्रधानमंत्रिन बोलि कि केदारनाथ म म्यरु गिच्च बिटि निकलि कि औंण वलु दशक उत्तराखण्ड कु होलु अर बाबा केदारा आशीर्वाद से म्येरि ब्वली बात सच हूंणि च।