कर्नल कोठियाल ह्वै सकदन भाजपा मा शामिल

देरादूण। उत्तराखण्ड विधानसभा 2022 मा आम आदमी पार्टी क मुख्यमंत्री क मुखड़ि कर्नल कोठियाल भाजमा मा शामिल ह्वै सकदन।

बतै जाणु च एक द्वी दिन मा कर्नल कोठियाल भाजपा मा शामिल ह्वै सकदन। अबि कुछ दिन पैलि हि कर्नल कोठियालन आम आदमी पार्टी थैं छोड़ि दें छायी।

कर्नल कोठियालन 2022 विधानसभा मा आम आदमी पार्टी के टिकट मा गंगोत्री सीट बटि चुनौं लड़ि छायीं। लेकिन कर्नल कोठियाल गंगोत्री सीट बटि चुनौ हारि ग्यें छायी अर आम आमदी पार्टी उत्तराखण्ड मा एक बि सीट नि जीति साकी। यांका बाद आम आदमी पार्टी न उथैं प्रदेस अध्यक्ष पद बटि हटै दें। जैका बाद रूस्यां कर्नलन आम आदमी पार्टी के संयोजन अरविन्द केजरीवाल थैं अपड़ु इस्तीफा भेजि दें छायीं।

अर अब बतैं जाणु च बल कर्नल अपड़ा दगड़यों क दगड़ मा 24 मई खूंणि भाजपा क दप्तर मा कमला फूल थैं हत्थ मा पकड़ि सकदन।