मुख्यमंत्री न मोदी @ : ड्रीम्स मीट डिलीवरी’ पुस्तक चर्चा कछड़ि (बैठक) मा ल्यें भाग अर बोलि बल प्रधानमंत्री थैं न्यूं भारता कु शिल्पकार ब्वलें जै सकद

देरादूण।

देरादूण। मुख्यमंत्री धामी न आज मुख्यमंत्री अपड़ा धौर क मुख्य सेवक सदन मा उर्यूं मोदी @ : 20 ड्रीम्स मीट डिलीवरी’ पुस्तक एक विचार कछड़ि मा भाग ल्यें। किताबि प्रधानमंत्री नरेन्द्र मोदी क 20 साल क राजनीतिक जिन्दगि पर च। 5 भागु अर 21 अध्यायों कि ईं किताबि मा अलग-अलग तोक (क्षेत्र) क जणगुरूओं (विशेषज्ञ) का लेख छन।

मुख्यमंत्री धामीन बोलि कि प्रधानमंत्री नरेन्द्र मोदी क राजनीतिक जिन्दगि पर लिखि ईं किताबि मा जणगुरूओं न प्रधानमंत्री के जिन्दगि, ऊंक काम करणा सगोर (तरीका) अर ऊंका राजनीतिक जिन्दगि क पिछळ 20 साळु क जातरा लिखि च। उन्न बोलि कि नरेन्द्र मोदी क प्रधानमंत्री बणणा क बाद देस मा एक नै काम करणा संगोर (तरीका) ऐ।

मुख्यमंत्री धामीन बोलि बल आज सर्या दुन्या मा हमर देस कु मान, सम्मान अर स्वाभिमान बढ़िग्यें। आज भारत आत्मनिर्भर बणणु च। देस मा समाज क सब्यां मनखियों थैं देखिक अर समाज क आखिर कुण मा रैंण वला मनखियों थैं मुख्य धारा मा गंठयौंणा (जोड़ना) कु काम हूंणि च।

मुख्यमंत्री ने बोलि कि प्रधानमंत्री मोदी क काबिलियत से देस सबि तोक मा तड़तुडा़े ह्वैकि अगनै बणणु च। उन्न बोलि कोविड क बिमारि मा हमन टीकाकरण कु महा अभियान चल्यें। देस मा 192 करोड से जादा कोविड क टीका मनखियों थैं लग्यें। उन्न बोलि कि हमरि सांस्कृतिक सदनि ‘सर्वे भवन्तु सुखिनः’ क रायी। कोविड क बगत हमन ईं भावना से काम कायी अर सर्या दुन्या थैं 20 करोड़ से जादा कोविड वैक्सीन द्यायी।

धामीन बोलि कि प्रधानमंत्री मादी जै समर्पण से देसकि सेवा करणा छन, ऊथैं न्यूं भारता कु शिल्पकार ब्वलें जै सकद।

मुख्यमंत्री के घार मा उर्ईं ईं विचार कछेड़ी मा ‘मोदी @ : ड्रीम्स मीट डिलीवरी’ किताबि के समीक्षा दून विश्वविद्यालय क कुलपति प्रो. सुरेखा डंगवाल अर लाल बहादुर शास्त्री अकादमी क पैल्यक निदेशक संजीव चोपड़ा न कायी। ईं किताबि मा लेख ल्यखण वला प्रदीप कुमार न भि अपड़ा विचार रखीं।

ऐ मौका फर राज्यसभा सांसद नरेश बंसल, विधायक विनोद चमोली, उमेश शर्मा काऊ, सविता कपूर, खजान दास, बृजभूषण गैरोला, दुर्गेश लाल, मेयर सुनील उनियाल गामा अर गणखणु (गणमान्य) मनखि मौजूद छायीं।